MANILA, Philippines—Incumbent Quezon City Councilor Ariel Inton withdrew from the mayoralty race in Quezon City citing lack of funds and fears of election cheating by his political rivals.

In a statement Wednesday, Inton admitted that the race for Quezon City mayor was a “battle we cannot yet win.”

He made the announcement days before the start of the local campaign period on Friday.

Inton said lack of funding was one of the reasons why he decided to withdraw from the race.

“This is the battle that we cannot yet win thus the need for us to prepare better and look ahead for future elections. I am thanking all those who supported me for the past nine years,” he added.

The incumbent city majority floor leader also lamented the alleged failure of current Mayor Feliciano Belmonte Jr. to address concerns on flying voters and questionable registrants in the city.

“I fear that elections in our city this coming May will be marred by cheating as the city never made any effort to address the problem of double registrants and flying voters,” Inton said.

He also alleged that some city officials were using government funds to support their bid in various positions.

“What’s important for me is to win in a good fight; even if I am not running now, I will make sure that in future we can win not only for myself but for those who believe in me,” Inton said.

-end-

Aabot sa 10 infrastructure projects ni Inton ang nakabinbin subalit tiyak anyang matatapos ito hanggang Hunyo.

Kabilang sa mga ito ang pagtatayo ng Day Care Center sa Barangay Krus na Ligas sa District 4; de-clogging ng drainage system sa Barangay Santol at rehabilitation ng streetlights sa iba’t ibang barangay sa kanyang distrito.

Sa kanyang kandidatura bilang alkalde ng lungsod, isinusulong ni Inton ang pagbibigay ng de-kalidad na edukasyon; maayos na kalusugan at kaligtasan sa mga residente ng Quezon City kasama ang crime prevention kaya’t ang mga naturang proyekto ay kabilang sa kanyang mga prayoridad.

Binigyang-diin naman ni Inton na ang mga naturang proyekto ay kanya lamang isinakatuparan at pera pa rin ng taumbayan ang ginugugol dito.

“Pera po ito ng taumbayan na nais lamang nating ibalik sa kanila sa pamamagitan ng mas maayos na mga pasilidad na tiyak na magbibigay ng ginhawa sa kanila,” saad ni Inton.

Sa gitna rin ng kanya-kanyang silipan ng iba pang kandidato sa kanilang mga kalaban, iginiit ni Inton na ang mga proyekto at mga serbisyong ibinigay niya para sa taumbayan ang magpapatunay ng kanyang buong pusong paglilingkod.

“Madali namang ipaliwanag kung saan napupunta ang pondo ng lokal na pamahalaan kung may mga proyektong nakikita,” dagdag ni Inton.

Ilan pa sa mga proyekto ni Inton ang pagtatayo ng covered court sa Barangay San Vicente; konstruksyon ng multi-purpose hall sa Barangay Kristong Hari at pagtatayo ng waiting shed sa Barangay Doña Imelda.

-end-

Kabilang sa nais ipatupad ni Inton kung papalaring maging alkalde ng lungsod ay ang pagbibigay ng mataas na kalidad ng edukasyon para sa lahat.

Bukod dito, nais din ni Inton na ipagkaloob sa mga residente ang kailangan nilang benepisyo tulad sa kalusugan at pangkabuhayan.

“Mayaman na po ang lungsod, ang kailangan lamang ay maipadama ito sa mga residente,” saad ni Inton.

Muli namang nanawagan si Inton sa publiko na pag-aralang maigi ang kilos ng mga kandidato para sa matalinong pagpili ng iboboto para na rin sa kanilang kaunlaran.

“Mayroon nga po dyan matagal ng nakapwesto pero wala namang nagagawa para sa publiko, meron namang iba hindi mo naramdaman sa mga nakalipas na taon at ngayon lamang nagpapakita sa publiko dahil eleksyon na,” pasaring ni Inton.

Iginiit ni Inton na hindi sapat na maging batayan ng pagboto ang mga taong nakikilala lamang sa panahon ng halalan subalit kapag nakaupo na ay hindi na makita ng publiko.

Mabuti rin anyang tignan ang track record ng mga dati na ring opisyal ng Quezon City at ang paraan ng paggamit nila ng pondo ng kanilang tanggapan partikular ngayong halalan.

Binigyang-diin ni Inton na marami na ring proyektong nagawa ang kasalukuyang administrasyon partikular sa mga imprastraktura subalit aminado itong kulang pa ang pagsisikap ng lokal na pamahalaan upang tuluyang maramdaman ng mga residente ang yaman ng lungsod.

Kung si Inton ang masusunod, nais nitong bigyan ng benepisyo ang mga residente ng lungsod sa mga government facilities tulad ng mga ospital; tulong upang matiyak ang pag-aaral ng mga estudyante mula elementarya hanggang kolehiyo at gayundin ang merkado para sa mga produkto ng mga taong biniyayaan ng livelihood projects.

“Nasimulan na po natin ito sa halos siyam na taon nating paglilingkod bilang konsehal at ipagpapatuloy natin ito kung papalaring mabigyan ng mas mataas na posisyon,” saad pa ni Inton.

Namahagi si Quezon City Majority Leader Ariel Enrile Inton ng mga pamaskong handog sa may 2,000 bata sa Barangay Lupang Pangako sa Payatas kasabay ng kanilang Himig Ariel The Scholars Concert.Umaasa si Inton na nakapagbigay ng saya sa mga bata ang kanyang munting handog para sa mga ito.

Inihain ni Quezon City Majority Leader Ariel Enrile Inton ang resolusyon na nagmumungkahi na ipagamit ang Carlos Albert Hall (session hall) bilang courtroom sa pagdinig ng kaso.

Sa resolution ni Inton, inaasahang marami ang susubaybay sa pagdinig kabilang na ang mga kagawad ng media, hindi lamang ng local kundi maging ang international press.

Ipinaliwanag ni Inton na mas malaking espasyo at well-secured na lugar ang kailangang pagdausan ng hearing sa pangunguna ni Judge Jocelyn Solis Reyes.

“The government will spend huge funds for the said trials and to lessen the fund needs for the said hearing, it must better to use the Carlos Albert Hall which is need to hall of justice and the aforementioned hall is easily secure for security purpose considering that the Carlos Albert Hall is only used in regular session every Monday,” saad sa resolution ni Inton.

Binigyang-diin ni Inton na bago ang pagpapagamit sa naturang venue ay kailangan ding matiyak ng PNP ang seguridad hindi lamang ng mga dadalo sa pagdinig kundi ng mga empleyado ng Quezon City sa kabuuan.

“Suhestyon lamang po itong sa atin, nasa kinauukulan pa rin po kung nais nila itong kunin o hindi, ang layunin lamang po natin dito ay makatulong sa pagpapataw ng hustisya sa mga biktima,” saad ni Inton.

Umaasa si Inton na sa pamamagitan ng maayos na venue ay magiging matiwasay ang pagdinig sa kaso upang makamit ng mga biktima ng Maguindanao Massacre ang hustisya.

Naniniwala rin si Inton sa kakayahan ni Judge Reyes upang ipataw ang karampatang parusa sa mga nagkasala at maibibigay ang katarungan sa mga biktima at kanilang mga pamilya.

Inihayag ni Inton na ang pahayag ni Judge Reyes na ita-trato bilang ordinary case ang Ampatuan case ay katunayan na kaya nitong labanan ang anumang pressure sa kaso.

“That coolness of head will show that unlike others, she cannot be easily swayed,” dagdag ni Inton.

end

Ayon kay Quezon City Majority Leader, Atty. Ariel Inton, tinapos nila ang pag-apruba sa budget bago ang kanilang Christmas Break upang matiyak ang kahandaan ng lungsod sa susunod na taon, partikular sa panahon ng eleksyon.

Inihayag ni Inton na sa budget deliberations kamakalawa ng gabi, nagkasundo ang konseho na tapyasan ang panukalang P105 million para Department of Public Order and Safety (DPOS).

Ipinaliwanag ni Inton na napagkaisahan ng mga konsehal na ibaba sa P45million ang budget para sa security sa mga government-owned establishment sa lungsod.

“We think that the police can handle it, mas mataas naman ang budget na inilaan namin sa Quezon City Police District kaya’t hindi rin naman malalagay sa alanganin ang seguridad sa mga vital installation sa lungsod,” saad ni Inton.

Ang tinapyas na budget at inilaan ng konseho sa Health at Education na siyang prayoridad ng lokal na pamahalaan.

Dinagdagan ng konseho ng P25 milyon ang budget para sa Quezon City Polytechnic University para sa susunod na taon upang matiyak na mas maraming scholars ang kanilang napaglilingkuran bukod pa sa madaragdagan ang pasilidad ng unibersidad.

Umaabot naman sa P8 milyon ang idinagdag na budget ng konseho para sa public library sa lungsod.

Karagdagang P30 milyon naman ang inilaan ng konseho para sa kalusugan ng mamamayan ng lungsod na gugugulin sa pagbili ng mga gamot at iba pang medical supplies.

Sa kabuuan, mahigit P322 milyon ang inilaan ng konseho para sa Health habang mahigit P33 milyon para sa edukasyon.

Tiniyak ni Inton na bagaman election period na sa susunod na taon ay masusi pa rin nilang imomonitor ang paraan ng paggastos ng lungsod sa kanilang pondo.

“NO non-sense public service”.

Ito ang patuloy na iaaalay ni Quezon City Majority Leader Ariel Inton sa kanyang mga kababayan sa pakikipaglaban nito para sa pinakamataas na posisyon sa lungsod.

Binigyang-diin ni Inton na hindi mahalaga ang mga pangakong plataporma para sa kandidatura kundi ang tunay na dapat bigyang importansya ay ang kayang gawin ng isang kandidato para sa kanyang nasasakupan.

“Ang mahalaga pong tignan ng ating mga kababayan sa pagpili ng kanilang kandidato ang abilididad at kakayahan ng mga pulitiko at hindi lamang ang mga pangakong programang inilalahad. Pwede ka naman mangako e, ang tanong kaya bang tuparin at kung yan ba talaga ang kailangan ng iyong nasasakupan,” saad ni Inton.

Binigyang-diin din ng konsehal na hindi kailangang ipangalandakan ng sinumang public official ang kanyang mga nagawa para sa kanyang nasasakupan dahil hindi ito maituturing na utang na loob ng taumbayan.

“Yan po bilang public servant ay tungkuling dapat nating isakatuparan para sa mga tao. Hindi mo na rin kailangan pang ilagay ang pangalan mo sa bawat proyekto dahil pera rin naman ng taumbayan ang iyong ginugol dyan,” dagdag ng konsehal.

Si Inton, tumatakbong alkalde ng Quezon City, ay mahigit walong taon nang nanunungkulan bilang majority leader ng konseho na nagpapakita lamang ng kanyang kakayahan at abilidad sa panunungkulan.

Kamakailan ay tinanggap ni inton ang 2009 Dangal ng Pilipinas award for city legislative and service excellence bilang na ipinagkaloob ng Consumers League of the Philippines Foundation Incorporated.

Nakuha din nito ang “Model Achiever Award for Community Development” sa 28^th Annual Dangal ng Bayan Awards.

“Malaki po ang pasasalamat natin sa mga organisasyong ito na nakakakita ng ating mga pagsusumikap para sa mga mamamayan ng lungsod Quezon,” saad ni Inton.

Kumanta at sumayaw kasabay ng Himig Ariel Scholars ngayong December 1, 2009 sa SM Sky-Dome.

Ito ang kauna-unahang major concert ng Himig Ariel Scholars kung saan itatampok ang may 300 performers na magpapakitang gilas sa larangan ng pagkanta, pagsayaw at pag-arte.

Ang kikitain sa konsyerto ay ibibigay sa mga batang may kanser ng Kapwa Ko Mahal Ko Foundation sa paglalayong madugtungan ang kanilang buhay.

Para sa mga karagdagang impormasyon, tumawag lamang sa numero 922 2913 o 925 6045 local 427.